بسم الله الرحمن الرحيم وصلى الله على أشرف الأنبياء والمرسلين.
قال مجمد سعدبوه ولد آد فى زيارة للولي الكامل والعالم العامل العارف بالله ،البحر الغطمطم:(الشيخ محمد المامي ولد البخاري)رحمهم الله تعالى ونفعنا ببركاتهم آمين.
يل من فضل اعليك القيوم@خصك بالسر وبالعلوم@
والولاي من كبل اتصوم@فصبو خصك بيه@
واجهيرته من كبل اليوم@خصك بيه واتلوصيه@
وافتدرميه كمت اتعوم@مزلت اسغيير اعليه@
كمت اتفيتك مانك محكوم@فتعربيه واتعسريه@
عديت الحصي والنجوم@من فوك النجوم اتجيه@
واوراق الشجر والبحار@عديت الهم كيفت لشجار@
يالشيخ والارض احجار احجار@عديت اله وامواليه@
اعديت الفيه من لزهار @وانجوم اسماه حاصيه@
واحصيت احصيه بيه قار@ عنك حاص كد احصيه@
جيتك داير تعدال الهم@الظاهر والهم الملتم@
معن ذيك الملتم انتم@روح فالله اماصيه@
ونفس عن منهج فيه الذم@انتم انكد انعاصيه@
واندور السياد فليم@الفيه اكليع اتفوصيه@
واصلاح اجماعت لبن عم@واتكدو حد اناصيه@
ادرجته فلعلوان اتم@تظهر فعكيد انواصيه@
واتواصيه فمر المغرم@لايخسر فيه اتواصيه@
واتواسيه لاتتندم@فتواصيه واتواسيه@
امد فيه رازت تغجم@يالشيخ اسو تغجم فيه@
ولايبك عند ظرف املم@مامتل ملي نزيه@
ظرف التخمام اظرف العلم@والظروف الما نسميه@
يالشيخ الشيل لاحكن @شورك عت انعيط بيه@
كوم امع راص لاحكن@وانعت ل تورس نمشيه@.
بقلم:محمد ولد محمد سعدبوه ولد آد